श्री शिव जी के मंत्र

ॐ वन्दे देव उमापतिं सुरगुरुं वन्दे जगत्कारणम्।

वन्दे पन्नगभूषणं मृगधरं वन्दे पशूनां पतिम् ॥

वन्दे सूर्य शशांक वह्नि नयनं वन्दे मुकुन्दप्रियम्।

वन्दे भक्त जनाश्रयं च वरदं वन्दे शिवंशंकरम्॥

ॐ त्र्यम्बकं यजामहे सुगन्धिं पुष्टिवर्धनम्।

उर्वारुकमिव बन्धनान् मृत्योर्मुक्षीय मामृतात्॥

नागेंद्रहाराय त्रिलोचनाय भस्मांग रागाय महेश्वराय

नित्याय शुद्धाय दिगंबराय तस्मे न काराय नम: शिवाय: ॥

मंदाकिनी सलिल चंदन चर्चिताय नंदीश्वर प्रमथनाथ महेश्वराय

मंदारपुष्प बहुपुष्प सुपूजिताय तस्मे म काराय नम: शिवाय: ॥

शिवाय गौरीवदनाब्जवृन्द सूर्याय दक्षाध्वरनाशकाय ।

श्रीनीलकण्ठाय वृषध्वजाय तस्मै शि काराय नमः शिवाय: ॥

वसिष्ठकुम्भोद्भवगौतमार्य मुनीन्द्रदेवार्चितशेखराय ।

चन्द्रार्क वैश्वानरलोचनाय तस्मै व काराय नमः शिवाय ॥

यक्षस्वरूपाय जटाधराय पिनाकहस्ताय सनातनाय ।

दिव्याय देवाय दिगम्बराय तस्मै य काराय नमः शिवाय ॥

पञ्चाक्षरमिदं पुण्यं यः पठेच्छिवसन्निधौ शिवलोकमवाप्नोति शिवेन सह मोदते ॥

सौराष्ट्रदेशे विशदेऽतिरम्ये ज्योतिर्मयं चन्द्रकलावतंसम् ।

भक्तिप्रदानाय कृपावतीर्णं तं सोमनाथं शरणं प्रपद्ये ॥

कावेरिकानर्मदयो: पवित्रे समागमे सज्जनतारणाय ॥

सदैव मान्धातृपुरे वसन्तमोंकारमीशं शिवमेकमीडे ॥

ॐ वरुणस्योत्तम्भनमसि वरुणस्य सकम्भ सर्ज्जनीस्थो ।

वरुणस्य ऋतसदन्यसि वरुणस्य ऋतसदनमसि वरुणस्य ऋतसदनमासीद् ॥

ॐ ब्रह्म ज्ज्ञानप्रथमं पुरस्ताद्विसीमतः सुरुचो वेन आवः ।

स बुध्न्या उपमा अस्य विष्ठाः सतश्च योनिमसतश्च विवः ॥

ॐ नमः श्वभ्यः श्वपतिभ्यश्च वो नमो नमो भवाय च रुद्राय च नमः ।

शर्वाय च पशुपतये च नमो नीलग्रीवाय च शितिकण्ठाय च ॥

ॐ नमः कपर्दिने च व्युप्त केशाय च नमः सहस्त्राक्षाय च शतधन्वने च ।

नमो गिरिशयाय च शिपिविष्टाय च नमो मेढुष्टमाय चेषुमते च ॥

ॐ नमः आराधे चात्रिराय च नमः शीघ्रयाय च शीभ्याय च ।

नमः ऊर्म्याय चावस्वन्याय च नमो नादेयाय च द्वीप्याय च ॥

दर्शनं बिल्वपत्रस्य स्पर्शनं पापनाशनम् ।

अघोरपापसंहारं बिल्वपत्रं शिवार्पणम् ॥